Կառավարությունն նիր այսօրվա՝ փետրվարի 23-ի նիստում վերաբաշխում կատարեց պետական բյուջեում և լրացուցիչ միջոցներ տրամադրեց Ֆրանսիայի Հանրապետության կառավարության աջակցությամբ իրականացվող Վեդու ջրամբարի կառուցման դրամաշնորհային ծրագրի բնականոն ընթացքն ապահովելու համար:
Տարածքային կառավարման և ենթակառուցվաքծների նախարար Գնել Սանոսյանն ասաց, որ ընդհանուր արժեքը 394,4 հազար եվրո է. «Այս որոշմամբ հնարավորություն կտրվի ավարտել Վեդու ջրամբարի կառուցման աշխատանքները: Պատվարի հիմնական կառուցման աշխատանքները մոտ 80 տոկոս իրականացված են, այս տարվա վերջ ջրամբարի կառուցումը կավարտենք:
Բայց մյուս համակարգներն այնպես են կառուցված, որ այն գետերից հոսքերը, որ պետք է գան ու լցվեն ջրամբարը, հոսքերը գալիս, ջրամբարի տարածքով անցնում են ու ոռոգման սեզոնին ծառայեցվում է բնակչությանը, մինչև ջրամբարը կլցնենք ամբողջովին», - ասաց նա:
Վարչապետ Նիկոլ Փաշինյանն էլ ասաց, թե նախընտրական շրջանում խոսել են շուրջ 15 փոքր ջրամբար կառուցելու մասին. «Մենք հիմա այդ ուղղությամբ որոշակի առաջընթաց ունենք: Ինչքան հասկանում եմ՝ հիմա սկսում ենք Քասախի, Արգիճիի, Աստղաձորի, Ելփինի, Արթիկի, Լիճքի ու Եղվարդի ջրաամբարների նախագծումը», - ասաց նա:
