ՌԴ նախագահ Վլադիմիր Պուտինը կմեկնի Բալի «Մեծ Քսանյակի» (G20) գագաթնաժողովին մասնակցելու համար:

Այդ մասին հայտարարել է Ինդոնեզիայի նախագահ Ջոկո Վիդոդոն Bloomberg-ի հետ հարցազրույցում:

Նրա խոսքով, սպասվելիք հավաքին իր մասնակցությունը հաստատել է նաև Չինաստանի առաջնորդ Սի Ցզինպինը:

Ավելի վաղ, Ուկրաինայի նախագահի գրասենյակի ղեկավար Միխայիլ Պոդոլյակը հայտարարել էր, որ «Մեծ Քսանյակի»-ն Պուտինի մասնակցության դեպքում՝ Վլադիմիր Զելենսկին ևս կարող է մեկնել Բալի: