Իտալիան և Ֆրանսիան պայմանավորվել են համատեղ գնել շուրջ 700 Aster-30 զենիթային հրթիռներ ՀՕՊ համակարգերի համար, որոնք մատակարարվում են Ուկրաինային։ Այս մասին հայտնում է Il Messaggero թերթը՝ հղում անելով իր աղբյուրին։

Նշվում է, որ ոչ բոլոր հրթիռներն են նախատեսված Կիևի համար։ Դրանց մի մասը կմնա իտալական և ֆրանսիական զինանոցում:

Հրատարակության համաձայն՝ հունվարի 27-ին Իտալիայի և Ֆրանսիայի պաշտպանության նախարարներ Գիդո Կրոզետոն և Սեբաստյան Լեկորնուն Հռոմում կայացած հանդիպման ժամանակ քննարկել են Ուկրաինային հակաօդային պաշտպանության համակարգերի մատակարարման տեխնիկական մանրամասները։

La Stampa թերթը հաղորդում է, որ հանդիպմանը հաջորդած հայտարարության մեջ չի նշվում SAMP-T զենիթահրթիռային համակարգերի ուղարկման մասին։ Իտալացի դիվանագետները լրագրողներին հայտնել են, որ Ֆրանսիան մի փոքր ավելի շատ ժամանակ է խնդրել։ Պաշտոնական որոշումը պատկանում է Իտալիայի վարչապետ Ջորջ Մելոնիին և Ֆրանսիայի նախագահ Էմանուել Մակրոնին։