Թուրքիայի Ստամբուլ քաղաքի Ղեզի զբոսայգում հավաքված ցուցարարները հայտարարել են, որ չեն պատրաստվում լքել տարածքը' չնայած իշխանությունների կողմից զբոսայգու ապամոնտաժումը դադարեցնելու մասին որոշմանը:

Ղեզի զբոսայգում տարվող շինարարական աշխատանքները բողոքի մեծ ալիք էին առաջ բերել Թուրքիայում, որոնք վերածվել էին ոստիկանության հետ բախումների:

Այգու տարածքը չլքելու մասին որոշումը ցուցարարները կայացրել էին նախօրեին ողջ գիշեր վարչապետ Էրդողանի հետ կայացած բանակցություններից հետո: Նրանք հայտարարել են, որ ոչ մի առաջընթաց չեն նկատում ոստիկանության կողմից կիրառված բռնությունները բացահայտելու գործում:

Հիշեցնենք, որ Էրդողանը վերջնաժամկետ էր ներկայացրել ցուցարարներին' 24 ժամ տալով այգին դատարկելու համար: