Հալեպում ապրիլի 17-ին ռմբակոծությունների և կրակոցների հետևանքով մոտ 40 խաղաղ քաղաքացիներ են զոհվել, ավելի քան 100 մարդ վիրավորվել են: Այս մասին տեղեկանում ենք «Բերիո Լուրեր» ֆեյսբուքյան էջից: Աղբյուրի տեղեկացմամբ, թեև Հալեպի հայաբնակ շրջանները ռազմական գործողությունների դաշտում չեն հայտնվել, սակայն Սուլեյմանիեի, Ազիզեի, Թելեֆոն Հաուայի թաղամասերը գրեթե ամայացած են: Քաղաքի բնակիչները պատերազմական ծանր օրեր են ապրում: Դժվարին վիճակի պատճառով Հալեպի մուտքի ճանապարհները փակվել են, և հնարավորություն չկա քաղաք սննդամթեք և անհրաժեշտ պարագաներ մտցնել: Մարդասիրական օգնությունները Հալեպի մուտքի մոտ սպասում են հարմար պահի:
Ավելի վաղ տեղեկություններ էին ստացվել, որ ապրիլի 17-ին հալեպում հայ էր վիրավորվել: 1966թ. ծնված Կարո Ավագյանը վիրավորվել էր Ջաբրիի շրջանում:
Սիրիական ՍԱՆԱ գործակալությունն իր հերթին տեղեկացնում է, որ Հալեպում ռմբակոծության հետևանքով զոհվել են 21 մարդ, այդ թվում՝ 2 երեխա, և վիրավորվել են 80 քաղաքացի:
ՄԱԿ-ի տվյալներով, Սիրիայում եռամյա հակամարտության ընթացքում զոհերի թիվը գերազանցել է 130 հազարը: Զոհված հայերի թիվը գերազանցել է 80-ը:
