Առնվազն երեք մարդ է զոհվել եւ շուրջ 1,2 միլիոնը՝ տուժել, Չինաստանի հարավում մոլեգնող ջրհեղեղից: Ինչպես տեղեկացնում է ՉԺՀ-ի քաղաքացիական վարչակազմի նախարարութունը, տեղական իշխանությունները հարկադրված են եղել տարհանել 29 հազար բնակիչների:
Ըստ նախարարության տեղեկատվության՝ ամենաառատ տեղումները գրանցվել են Ցզյանսի, Հունան, Գուանդուն, Գույչժոու հարավային մարզերում եւ Գուանսի-Չժուանի ինքնավար շրջանում: Հորդառատ անձրեւներից առաջացած հեղեղումները վնասել են 93,1 հազար հեկտար դաշտերի բերքը: Ավերվել է շուրջ 1,5 հազար տուն, եւս 9,2 հազարը վնասվածքներ են ստացել: Հարավչինական Շենչժեն քաղաքում (Գուանդունի նահանգ) սաստիկ անձրեւների պատճառով ճանապարհներին ջրասույզ Է եղել 2 հազար ավտոմեքենա, տեղի օդանավակայանում հետաձգվել է 48 չվերթ:
Ուղղակի տնտեսական վնասը իշխանությունները գնահատել են 930 մլրդ յուան (151 մլն դոլար), հաղորդել Է ԻՏԱՌ-ՏԱՍՍ-ը:
