ԱՄՆ-ն Ռուսաստանի նկատմամբ հավելյալ պատժամիջոցներ սահմանելու մտադրություն դեռ չունի: Այդ մասին լրագրողներին հայտնել է Սպիտակ տան մամուլի քարտուղարի տեղակալ Էրիկ Շուլցը: Այս մասին հայտնում է press-report.ru-ն:

Ճեպազրույցի ժամանակ նրան հարցրել են ՌԴ-ի նկատմամբ նոր պատժամիջոցներ սահմանելու հնարավոր ամսաթվի մասին, սակայն Շուլցը ոչ մի կոնկրետ օր կամ ամսաթիվ չի նշել:

Ավելի վաղ ԱՄՆ-ն և Եվրամիությունն ընդլայնել են պատժամիջոցները ՌԴ-ի նկատմամբ՝ Ուկրաինայում տիրող իրավիճակի առնչությամբ: Դրանք առնչվել են մի շարք բանկերի և խոշոր ընկերությունների: