Նախօրեին Շեքիում բողոքի ակցիա է տեղի ունեցել ի պաշտպանություն ձերբակալված իրավապաշտպան Ռասուլ Ջաֆարովի: Ակցիան նվիրված էր իրավապաշտպանի 30 ամյակին:
Բողոքի ակցիան անցել է Շեքիի ամրոցի միջնադարյան զնդանի մուտքի մոտ, դրա մասնակիցները պաստառներ են պարզել ի պաշտպանություն Ջաֆարովի, տեղեկացնում է «Ազատություն» ռադիոկայանի ադրբեջանական ծառայությունը:
Ջաֆարովը ձերբակալվել է օգոստոսի 2-ին' ապօրինի գործարարության, հարկերից խուսափելու, պաշտոնեական լիազորությունները չարաշահելու մեղադրանքներով:
Amnesty International միջազգային իրավապաշտպան կազմակերպությունը նրան քաղբանտարկյալ է ճանաչել:
Ռասուլ Ջաֆարովը Ադրբեջանի քաղբանտարկյալների միասնական ցուցակի հրապարակման նախաձեռնողներից է, որում ընդգրկված է 98 անձ, այդ թվում և հենց ինքը Ջաֆարովը:
