sport.times.amԻսպանիայի առաջնության 9-րդ տուրի «Ռեալ»-«Բարսելոնա» (3:1) հանդիպումից հետո կատալոնական թիմի գլխավոր մարզիչ Լուիս Էնրիկեն պատասխանել է լրագրողների հարցերին: Լուիս Էնրիկեն նշել է, որ իր կարծիքով «Ռեալն» այնքան էլ մեծ առավելություն չուներ:
«Թիմերի միջև տարբերությունն այնքան էլ մեծ չէր: Մենք լավ սկսեցինք խաղը, հետո գոլ բաց թողեցինք, իսկ մրցակիցը սկսեց վտանգավոր պահեր ստեղծել մեր դարպասի մետ: Հաշիվը 2:0 դարձնելու հնարավորություն ունեինք, բայց չստացվեց: «Ռեալն» արժանի հաղթանակ տոնեց:
Պարտություններ հաճախակի չեն լինում, բայց դրանք ցույց են տալիս, որ կան մեզ հավասար կամ մեզանից ուժեղ մրցակիցներ: Այսօր էր նաև այդպես»,-Լուիս Էնրիկեի խոսքը մեջբերում ենք «AS»-ից:
Կատալոնացիների մարզիչն անդրադարձել է նաև Լուիս Սուարեսին մեկնարկային կազմում ընդգրկելու որոշմանը և դժգոհության է հայտնել պաշտպանների խաղից:
«Չեմ զղջում, որ Սուարեսը մեկնարկային կազմում է եղել: Նա սպասվածից լավ խաղաց: Ֆիզիկական տեսանկյունից նա հիանալի էր պատրաստված այս խաղին:
Պաշտպանությունում լուրջ սխլաներ թույլ տվեցինք, պետք է ուղղենք դրանք և հաջորդ հանդիպումների ժամանակ թույլ չտանք: Պիկեի ձեռքով խաղի պատճառով նշանակվեց 11 մետրանոց, սակայն դա բոլորվին կապ չունի նրա փորձի հետ:
Պարտությունն ուսման մի մասն է: Հույս ունեմ՝ ապագայում չի կրկնվի այս պատմությունը»,-ասել է Լուիս Էնրիկեն:
