Հայկական բանակի օրվա նախօրեին մարտական դիրքերից մեկում իր ծառայակցի ձեռքով սպանվել է ավագ սերժանտը: Վերջին մեկ ամսում հայկական բանակում խաղաղ պայմաններում մի քանի զոհեր են եղել: Չնայած բանակի ղեկավարության խոստումներին, «մսաղացը» կանգ չի առնում: Շարունակվում են արատավոր երեւույթները:
Հայաստանի ղեկավարությունը շարունակում է պնդել, որ հայկական զինված ուժերն ամենամարտունակն են Հարավային Կովկասում: Գուցե եւ դա այդպես է, եթե համեմատության մեջ ենք մտնում Ադրբեջանի եւ Վրաստանի բանակների հետ: Սակայն, այստեղ իրականում չկա որեւէ համեմատություն. այդ երկրների զինված ուժերը գործով են ապացուցել իրենց փաստացի չգոյությունը, եւ դրանց հետ համեմատությունն ընդամենը սրտի մխիթարանք է եւ քարոզչական հնարք, որով փորձում են ծածկել հայկական բանակում տիրող իրավիճակը:
Բանակի դեպքում պետք է ոչ թե համեմատություն, այլ ձգտում, առաջընթացի ու կատարելագործման ուղղությամբ գերջանքեր: Նկատի ունենալով Հայաստանի ժողովրդագրական եւ տնտեսական լրջագույն խնդիրները, հայկական բանակը կարիք ունի արմատական վերափոխման: Խորհրդային տիպի «զանգվածային» բանակի մեթոդոլոգիայից արդեն հրաժարվում են նույնիսկ Ռուսաստանում: Այդ տիպի բանակն ընդամենը «թնդանոթի միս» էր, ինչն արտահայտվեց օրինակ Աֆղանստանում եւ Չեչնիայում:
Հայկական բանակը լիովին ժառանգել է խորհրդային տիպի բանակի բոլոր արատները՝ սկսած գողական դեդովշչինայից, կոռուպցիայից, վերջացրած մարտական պատրաստության մեթոդոլոգիայով: Սակայն, եթե խորհրդային բանակը «ձգում» էր մարդկային ու նյութական բավարար ռեսուրսի շնորհիվ, ապա Հայաստանում այդ ռեսուրսը չկա:
Հայկական բանակը լուրջ առաքելություն ունի ժամանակակից աշխարհում: Դա է վկայում միջազգային հանրության ուշադրությունը հայկական բանակի հանդեպ: Դա կարծես թե հասկացել է նաեւ Հայաստանի իշխանությունը, եւ Սերժ Սարգսյանի վերջին ելույթներից մեկը նվիրված էր հենց դրան: Սակայն, մի բան է դա գիտակցելը, եւ այլ բան՝ բանակը նեղ նպատակներով օգտագործելու գայթակղությունից զերծ մնալը:
Իսկ նման գայթակղություն եղել է Հայաստանի բոլոր ժամանակների իշխանությունների մոտ, երբ բանակն օգտագործվում էր ներքին կյանքում՝ իշխանության եւ քրեաօլիգարխիկ համակարգի դիրքերը պահպանելու համար: Սերժ Սարգսյանը նույնիսկ օրենսդրորեն ամրագրեց բանակը ներքին կյանքում օգտագործելու «իրավունքը»:
Սակայն, հայկական բանակի բուն առաքելության եւ իշխանությունների նպատակների միջեւ խզումը կարող է հանգեցնել անդառնալի հետեւանքների: Բանն այն է, որ Հայաստանի միջազգային գործընկերներին Հայաստանում ամենից առաջ հետաքրքրում է հայկական բանակը, նկատի առնելով գլոբալ վերադասավորումների առաջիկա փուլը: Հայկական բանակին հատկացվում է զգալի միջազգային նյութական եւ այլ աջակցություն: Հայաստանի «երկրորդ սերնդի» բարեփոխումների համատեքստում առաջնահերթ պահանջ է դրվում բանակի վերափոխումը:
Ժամանակին, օրինակ, ԱԳ նախարար Վարդան Օսկանյանը, որը պատրաստվում էր ավելի լայն դերակատարման, իր ելույթներից մեկը նվիրել էր հենց բանակին, որում նշվում էր, որ բանակը հայկական բարեփոխումների հիմնական խոչընդոտներից մեկն է: Այդ ժամանակից քայլեր էլ ձեռնարկվեցին, բանակից տարբեր պատրվակներով հեռացնելով առավել օդիոզ ու կոռումպացված «դաշտային» գեներալներին: Սակայն, այդ գործընթացը բավական դանդաղ է ընթանում, իսկ միջազգային տարբեր կառույցներում վերապատրաստված նոր սպայակազմի չնչին տոկոսն է ներգրավվում բանակի կառույցներ: Բանակում շարունակում են տերուտնօրինություն անել կոռումպացված բարձրաստիճան զինվորականները, որոնք բանակի ռեսուրսն օգտագործում են անձնական նպատակներով, սկսած զինվորից գողացված կալորիաներից, վերջացրած տեխնիկան ու զինուժը սեփական նպատակներին ծառայեցնելուց:
Հայաստանի ներկայիս քրեական-օլիգարխիկ համակարգի դեպքում անհնար է խոսել բանակի մարտունակության եւ ինչ որ առաքելություն կատարելու մասին: Նման առաքելությունը կարող են կատարել ժամանակակից, բարձրտեխնոլոգիական, մոբիլ զինված ուժերը: Նման զինված ուժեր պահելու եւ սպասարկելու համար անհրաժեշտ է համարժեք տնտեսական-քաղաքական համակարգ: Հայաստանի ներկայիս տնտեսաքաղաքական համակարգն ի վիճակի չէ լուծել նման խնդիրը:
Հայկական բանակ. թնդանոթի մի՞ս, թե պատմություն կերտող
10:55 - 28.Հունվար.2013
Առաջարկում ենք նաև
28/01/23 11:00
Ուզում ենք հաղթող բանակ՝ չպիտի ունենանք երկիրն ու բանակը անտերության մատնած թուլամորթ ղեկավար. Սերժ Սարգսյան
29/09/16 12:06
«Հայկական բանակ»` «Armenian Army». ՀՀ ՊՆ նոր նախագիծը` հայ ճանաչված գործիչների սիրելի բրենդ (լուսանկարներ)
04/08/16 12:39
Մեր անվտանգության միակ երաշխավորը՝ Հայկական բանակ
28/01/16 10:30
Ծառայելը պարտականություն է. իմ Հայկական բանակ, ծննդյանդ տոնը շնորհավոր. Թևան Պողոսյան
04/02/15 16:28
Հայկական բանակ 2015 (տեսանյութ)
28/01/15 12:06
Շնորհավոր բոլորիս տոնը, ուստի «Մեր անունն է Հայկական բանակ»
28/01/15 11:24
Հայկական բանակը ժողովրդական բանակ է. չկա մի ընտանիք, որն առնչություն չունենա նրա հետ. Բակո Սահակյան
28/01/13 11:21
Հայկական բանակը նման է չարաճճի երեխայի
16/05/24 09:12
Ազգ-բանակ, ազգ-ամրոց, ազգ-տաճար. ինչո՞ւ է անհրաժեշտ իրական կյանքում ապահովել այս շղթան. «Փաստ»
13/05/24 17:20
Քաղաքակիրթ աշխարհի լուռ համաձայնությամբ քայլ առ քայլ ԼՂ-ում ոչնչացվում է հայկական մշակութային հետքը
22/04/24 14:00
Ովքեր և ինչու ողջունեցին կամ չողջունեցին Տավուշում Հայաստանի կողմից զիջումների գնալու որոշումը. Անդրանիկ Թեւանյան
14/04/24 11:10
Այս պահին Երուսաղեմի հայկական թաղամասում իրավիճակը հանդարտ է
Ամենադիտված
Լրահոս
09:45
Վարդանյանի գործով նախաքննությունն ավարտվել է. իրար հակասող հատկանիշներով մեղադրանք է առաջադրվել. «Ժողովուրդ»
09:15
«Ժողովուրդ». Ժամկետային ծառայողների ծնողները շարունակում են ծանրոց ուղարկել. բեռը չի թեթևացել. Փաշինյանը խաբել է. Մաս 209
08:55
«Ժողովուրդ». ԱԺ-ում ընդդիմությունը Փաշինյանին իմպիչմենտ հայտարարելու հարցում չի շտապում. ուզում են լավ պատրաստվել
08:25
ԲԴԽ նախկին անդամ Նաիրա Հովսեփյանի դեմ արշավը շարունակվում է. կարգապահական վարույթ են հարուցել. «Ժողովուրդ»
08:25
«Ժողովուրդ». Սամվել Վարդանյանի գործով նախաքննությունն ավարտվել է. 2 իրար հակասող հատկանիշներով մեղադրանք է առաջադրվել
13:20
Ըստ Նիկոլի՝ հայ ժողովուրդն ունի մեկ ռազմավարական նպատակ՝ ծնկել և հանձնվել թշնամու ողորմածությանը
13:16
Կառավարության մոտ Սրբազան պայքարի ակցիան ավարտվեց. ժամը 19-ին կհանդիպեն Սուրբ Աննա եկեղեցու բակում
13:04
Дельфин и русалка– не пара, не пара, не пара. Նիկոլը՝ Կոպենհագենում, և Հայաստանի եվրոպական հեռանկարը
12:45
Պայքարում եմ ճշմարտության համար. Լեո Նիկոլյանը 25 օր է հացադուլ է անում օդանավակայանում (տեսանյութ)
12:20
Հ-70, Մ-6-Աթան ավտոճանապարհը 11.00-ից մինչև 14.00 փակ կլինի՝ հիմնանորոգման աշխատանքներով պայմանավորված
10:59
Դատախազությունը Մհեր Գրիգորյանի գլխավորած սահմանազատման հանձնաժողովի դեմ հաղորդմանն ընթացք է տվել
09:55
«Ռուբիկիս ապրեցնելու, տղաների կյանքի գնով պահված հայրենիքը տեսնելու ու ընտանիքիս համար եմ ապրում». Ռուբիկ Գուլեյանն անմահացել է Մարտակերտում՝ հրադադար...
09:40
Իշխանությունը խոչընդոտում է Ադրբեջանի նկատմամբ միջազգային պատժամիջոցների կիրառմանը․ «Հրապարակ»
09:12
Ազգ-բանակ, ազգ-ամրոց, ազգ-տաճար. ինչո՞ւ է անհրաժեշտ իրական կյանքում ապահովել այս շղթան. «Փաստ»
08:50
«Նիկոլ Փաշինյանը, այո, պետք է հեռանա. նա ամեն ինչ անում է Հայաստանի Հանրապետությունը վերջնականապես կործանելու համար». «Փաստ»