Ստամբուլի «Բիլգի» համալսարանը չեղյալ է համարել «Հայոց ցեղասպանություն. հասկացություններ եւ համեմատական հեռանկարներ» անվանմամբ համաժողով անցկացնելու մասին որոշումը:
Ինչպես հաղորդում է «Արմենպրես»-ը, այս մասին հայտնում է «Ակոս» թերթը:
Ապրիլի 26-ին Բիլգի համալսարանում ծրագրված համաժողովի անցկացմանը խոչընդոտելու իրական պատճառը հայտնի չէ: Համալսարանի ղեկավարությունը հայտնել է, որ այն չի կարող անցկացվել նշված վերնագրով, եւ խորհուրդ է տվել համաժողովի անցկացման այլ վայր փնտրել:
Համաժողովի կազմակերպիչներ «Պատմության հիմնադրամը» եւ Կալիֆորնիայի համալսարանը (UCLA) Հայոց ցեղասպանությանը նվիրված համաժողովի անցկացման այլ վայր են սկսել որոնել:
