Մայիսի 9-ին ԱՄՆ Կալիֆորնիա նահանգի Փալմ Սփիինգսի «Agua Caliente Casino»-ի «The Show» հեղինակավոր դահլիճում տեղի է ունեցել «Global Arts International» ընկերության և «US Armenia» հեռուստաընկերության կողմից կազմակերպված «World Armenian Entertainment Awards» ամենամյա մրցանակաբաշխությունը, որի շրջանակներում մրցանակներ են հանձնվում երաժշտության, կինոյի, հեռուստատեսության և այլ բնագավառների գործիչների:
Մրցանակաբաշխությանը մասնակցել են մեծ թվով երգիչներ, հայտնի դերասաններ, հասարակական գործիչներ:
«Տարվա երգիչ» անվանակարգում լավագույնն է ճանաչվել Մարտին Մկրտչյանը:
«Տարվա երգչուհի» անվանակարգում լավագույնն է ճանաչվել Քրիստինե Պեպելյանը:
Մրցանակաբաշխության ժամանակ ելույթ է ունեցել Արմենչիկը, Հարութ Փամբուկչյանը, Մարտին Մկրտչյանը, Արմոն, Էրիկը, Քրիստինե Պեպելյանը, Սիլվա Հակոբյանը և այլոք:
