Ադրբեջանի պաշտպանության նախարարությունը թվային եղանակով հանել է հայկական դրոշը շաբաթ օրը տեղի ունեցած Ռուսաստանի ռազմական շքերթի լուսանկարից, գրում է BBC-ն:

 

Հայկական դրոշը բացակայում է լուսանկարից, որտեղ երևում են ադրբեջանցի զինվորականներն ու նրանց հետևից եկող հայ զինծառայողները:

 

Սակայն միջոցառման ուղիղ հեռարձակումը ցույց տվեց, թե ինչպես են զինվորները քայլում իրար հետևից՝ ձեռքներին բռնած իրենց դրոշները, նշվում է հոդվածում:

 

BBC-ն մեջբերում է ադրբեջանցի ռազմական փորձագետ Ուզեիր Ջաֆարովի խոսքը: Փորձագետը կասկած չունի, որ խոսքը ֆոտոմոնտաժի մասին է:

 

«Ըստ ՊՆ աղբյուրների՝ իրենք էլ չէին սպասում, որ հայ և ադրբեջանցի զինծառայողները քայլերթի դուրս կգան մեկը մյուսի հետևից: Փորձերի ժամանակ նրանք հրապարակի տարբեր մասերում էին քայլում»,- բացատրել է Ջաֆարովը:

 

Ադրբեջանի ՊՆ-ն հրաժարվել է մեկնաբանություններից:

 

 

Two images side by side, one showing the Azeri flag on its own, the other showing the Azeri and Armenian flags together.