«Էսպանիոլի» նախկին դարպասապահ Կիկո Կասիլյան մեկնաբանել է իր տեղափոխությունը Մադրիդի «Ռեալ»:
«Կասիլյասն ավարտեց իր շրջանը «Ռեալում» և ես նրան հաջողություն եմ մաղթում: Իսկ հիմա «Ռեալում» հաջողության հասնելու իմ հերթն է եկել: Ակումբը լքեց իր պատմության լավագույն դարպասապահին և լեգենդին: Համեմատությունները լինելու են միշտ, բայց ես սովոր եմ ճնշման տակ գտնվելուն», -Կասիլյայի խոսքը մեջբերում է Marca-ն:
Հիշեցնենք, որ մադրիդյան թիմը պաշտոնապես տեղեկացրել է ֆուտբոլիստին ձեռք բերելու մասին:
Ոչ պաշտոնական տվյալներով դարպասապահի տրանսֆերը «Ռեալին» արժեցել է 6 մլն եվրո:
