Անդորրայում կայացած Եվրոպայի մինչև 16 տարեկան աղջիկների C դիվիզիոնի առաջնությունում Հայաստանը գրավեց 2-րդ հորիզոնականը:
Բացի արծաթե մեդալներից, Հայաստանն արժանացավ նաև «Արդար խաղի» մրցանակին: Մրցանակը ՖԻԲԱ-ի կողմից ստացավ ՀԲՖ փոխնախագահ, պատանեկան հավաքականի գլխավոր մարզիչ Վահագն Հարությունյանը. տեղեկացնում  է ՀԲՖ-ի ֆեյսբուքյան էջը:
«Շատ հաճելի է, որ Հայաստանը նման մրցանակի արժանացավ: Մենք միշտ էլ մեծ հարգանքով ենք մոտենում մեր մրցակիցներին՝ անկախ նրանից, թե ինչպես է ընթանում հանդիպումը: «Արդար խաղի» մրցանակը պարտավորեցնում է, որ հետագայում էլ բարձր պահենք մեր երկրի հեղինակությունը միջազգային ասպարեզներում»,- նշեց Վահագն Հարությունյանը: