ԱՄՆ-ի նախագահ Բարաք Օբամայի քաղաքականության արդյունքը դարձել է քաոսը Մերձավոր Արևելքում: Ինչպես տեղեկացնում է «Արմենպրես»-ը, այս դիրքորոշումը հունվարի 20-ին ներկայացրել է ԱՄՆ-ի Կոնգրեսի Սենատի զինված ուժերի գործերի կոմիտեի նախագահ Ջոն Մաքքեյնը՝ ընդգծելով, որ տարածաշրջանում վաշինգտոնյան վարչակազմի «արկածախնդրությունը» հանգեցրեց իշխանության վակուումի, որը «Իսլամական պետություն» ահաբեկչական խմբավորմանը թույլ տվեց հսկողության տակ առնել տարածքների մի մասը:
«Այս ընդգրկուն արկածախնդրության արդյունքը պետք է պարզ լինի մեզ բոլորիս համար՝ Մերձավոր Արևելքում ոչ թե նոր կարգ է հաստատվել, այլ միայն՝ քաոս»,- նշել է նա՝ ելույթ ունենալով Կոնգրեսում, հաղորդել է ՏԱՍՍ-ը:
