ՔԱԳՎ մամլո քարտուղար Ռուբեն Գրդզելյանը հանդես է եկել հայտարարությամբ, որով հերքել է ճարտարապետ Անահիտ Թարխանյանի տարածած այն տեղեկությունը, թե կառավարությանն առընթեր քաղաքացիական ավիացիայի գլխավոր վարչությունը «Զվարթնոց» օդանավակայանի կլոր մասնաշենքի ներքին տրանսպորտային ուղետարի ապամոնտաժման աշխատանքների իրականացման մրցույթ է հայտարարել:
«Ճարտարապետ Անահիտ Թարխանյանը մարտի 14-ին հանդես է եկել բաց նամակով, որում նշել է, որ ս.թ. փետրվարի 26-ին ՀՀ կառավարությանն առընթեր քաղաքացիական ավիացիայի գլխավոր վարչությունը «Զվարթնոց» օդանավակայանի կլոր մասնաշենքի ներքին տրանսպորտային ուղետարի ապամոնտաժման աշխատանքների իրականացման մրցույթ է հայտարարել:
ՀՀ կառավարությանն առընթեր քաղաքացիական ավիացիայի գլխավոր վարչությունը հայտնում է, որ ոչ միայն նման քայլ չի ձեռնարկել, այլ ավելին՝ տիկին Թարխանյանի նշված հարցը ՔԱԳՎ գործառույթների մաս չի կազմում»,- նշված է ՔԱԳՎ մամուլի քարտուղարի հայտարարությունը:
