«Իսլամական պետություն» ահաբեկչական խմբավորումը ստանձնել է Գերմանիայի գնացքներից մեկում ուղևորների վրա 17-ամյա աֆղանցու կողմից հարձակման պատասխանատվությունը, հայտնում է BBC-ն:
Համապատասխան հայտարարությունը խմբավորումն արել է իր Amaq «լրատվական գործակալության» միջոցով: Ինչպես ասվում է ԻՊ-ի հաղորդագրության մեջ՝ նա արձագանքել է ծայրահեղականների՝ «խաչակիրների երկրներում» հարձակումներ իրականացնելու կոչին:
Ավելի վաղ Բավարիայի ՆԳՆ ղեկավարը հայտարարել էր, թե աֆղանցու սենյակում հայտնաբերվել է ծայրահեղական խմբավորման դրոշը: Այդուհանդերձ, նա ընդգծել է, որ երիտասարդն ամենայն հավանականությամբ միայնակ է գործել:
Դեպքի հետևանքով նվազագույնը 3 մարդ ստացել է լուրջ վնասվածք, 1-ը թեթև վնասվածք է ստացել, ևս 14 մարդ գտնվում է շոկային վիճակում:
Որոշ տեղեկությունների համաձայն՝ երիտասարդը փախստական է եղել, որը Գերմանիա էր ժամանել վերջերս:
Դանակով ու կացնով զինված՝ երիտասարդը հարձակվել է կառամատույցում սպասող մարդկանց վրա:
Երբ գնացքը կանգ է առել, հանցագործը փորձել է փախչել, սակայն հանդիպել է ոստիկանության ջոկատին, որը նրան գնդակահարել է:
