Այսօր Կառավարության նիստից հետո լրագրողները ՀՀ էկոնոմիկայի նախարար Արծվիկ Մինասյանից հետաքրքրվեցին, թե ինչ վերաբերմունք ունի վերջին օրերին Երևանում տեղի ունեցող գործողությունների վերաբերյալ:

 

Արծվիկ Մինասյանը մասնավորապես նշեց, որ ինքը բարձր է գնահատում ոստիկանության կողմից ցուցաբերված հանդուրժողականության բարձր մակարդակը.

 

«Եթե մանրամասն քննություն իրականացվի իրավասու մարմինների կողմից՝ այդ թվում ՄԻՊ գրասենյակի կողմից՝ հնարավոր է լինեն առանձին դեպքեր, երբ կա ոչ իրավաչափ վարքագիծ կամ ոչ համաչափ դրսևորում: Առանձին դրվագներում տեսնում ենք, որ ակնհայտ սադրիչներ կային, ովքեր հրահրում էին բախումներ, այդ մարդիկ բոլորի իրավունքները ոտնահարում էին»,-ասաց Մինասյանը:

 

Առավել մանրամասն՝ ԼՈւՐԵՐ.com-ի տեսանյութում: