ՀՀ էներգետիկ ենթակառուցվածքների և բնական պաշարների փոխնախարար Հայկ Հարությունյանը, ով, ի դեպ,  վարչապետ Կարեն Կարապետյանի փեսան է, իր ֆեյսբուքյան էջում հաճախակի ուղիղ եթերներով կիսվում է հանրության հետ՝ տեսաձայնագրություններից առաջ, ասենք,  ուղղելով սանրվածքը: Օրինակ՝ փոխնախարարն իր էջում նախապես տեղեկացրել էր, որ ուղիղ եթեր է դուրս գալու և ամփոփելու է 2016թթ.-ին իր կողմից իրականացված աշխատանքները՝ տեղադրելով համապատասխան տեսաձայնագրությունը:

 

Ինչո՞վ է պայմանավորված փոխնախարարի այս նորամուծությունը, և արդյո՞ք դրանով վերջինս փորձում է նվազագույնի հասցնել լրատվամիջոցների հետ իր շփումները՝ ԼՈւՐԵՐ.com-ի  հարցին՝ Հայկ Հարությունյանը պատասխանեց. «Դա պարզապես շփման  նոր ձևաչափ էր, առաջին անգամ փորձեցի, բավականին հաջող ստացվեց»,-ասաց՝ հավելելով, որ դա չի խանգարի լրատվամիջոցների հետ շփման այլ ձևերին:

 

Փաստորեն, քեմբրիջավարտ երիտասարդ փոխնախարարն արդի լրագրության անդաստաններում իր հետագիծն է թողնում՝ դառնալով նոր թրենդի հեղինակ: 

 

Առավել մանրամասն՝ տեսանյութում.

 

 

 

 

Աղավնի Սուքիասյան

Նարեկ Ավանեսյան