ՀՀ վարչապետ Կարեն Կարապետյանն այսօր Կառավարության հերթական նիստի ընթացքում հայտարարեց, որ Կառավարությունը վերջերս ստացել է առաջարկություն՝ միջազգային ճանաչում և հռչակ ունեցող կինոռեժիսոր և սցենարիստ էրիկ Մաքենզիից՝ ՀՀ-ում կինոյի և հեռուստատեսության դպրոց  հիմնելու վերաբերյալ:

 

Ըստ կառավարությանը հասցեագրված առաջարկության՝ այդ դպրոցը կհանդիսանա Լոս Անջելեսում գտնվող կինոյի դպրոցի գործընկեր:

 

Հայտնի սցենարիստի առաջարկի համաձայն՝  ՀՀ-ում բացվող դպրոցը երեք տարվա ընթացքում ձեռք կբերի կինոարտադրության համար համապատասխան ողջ տեխնիկան Լոս Անջելեսից և այլ երկրներից:

 

«Նա պատրաստվում է հոլիվուդյան բրենդը բերել Հայաստան և մինչև հինգ միլիոն դոլարի ներդրում անել: Ուստի՝ հանձնարարում եմ ՀՀ մշակույթի նախարար Արմեն Ամիրյանին՝ ուսումնասիրել այս առաջարկությունը և Մաքենզիին հրավիրել Հայաստան՝ համագործակցության համար»: 

 

Աղավնի Սուքիասյան