Անհայտ անձինք կրակ են բացել Ֆրանսիայի Ավինյոն քաղաքում գտնվող մզկիթի տարածքում: Այս մասին հայտնում է «ՌԻԱ Նովոստի»-ն:
Հաղորդվում է, որ հարձակում գործած երկու անձինք, ովքեր ունեցել են հրացան և ատրճանակ, դեպքի վայր են եկել ավտոմեքենայով և սկսել են կրակել այն մարդկանց վրա, ովքեր դուրս էին գալիս մզկիթից:
Կրակի հետևանքով տուժել է առնվազն յոթ մարդ, այդ թվում և յոթնամյա երեխա: Հարձակվողները կարողացել են փախչել դեպքի վայրից:
Ոստիկանությունը կատարվածն իբրև ահաբեկչություն չի դիտարկում: Ենթադրվում է, որ հարձակման պատճառը կարող է լինել երիտասարդների միջև ինչ-որ վիճաբանությունը:
