ԱԺ նախագահ եւ Սերժ Սարգսյանի շտաբի պետ Հովիկ Աբրահամյանն Արտաշատի քաղաքապետ Գագիկ Մուրադյանի տիկնոջը՝ Սերինե Հայրապետյանին, միջնորդել է նշանակել Արտաշատի պոլիկլինիկայի գլխավոր բժիշկ: Այդ պաշտոնին հավակնում էր նաեւ ՀՀ նախկին ոստիկանապետ Ալիկ Սարգսյանի բարեկամուհին, սակայն նրա ջանքերը հաջողության չեն հասել:
Արտաշատում խոսում են այն մասին, որ այդպիսով Հովիկ Աբրահամյանը քաղաքապետի «խաթրն առել է» այն բանից հետո, երբ իր եղբայրը՝ Ջոնիկը, նախագահի ընտրությունից երեք օր անց ծեծել ու վիրավորել էր Գագիկ Մուրադյանին: Պատճառն այն է եղել, որ Սերժ Սարգսյանը չի ստացել այնքան ձայն, որքան նախատեսել էին, եւ Ջոնիկն էլ քաղաքապետին կասկածել է փողերը չբաժանելու մեջ եւ նրանից պահանջել էր հետ վերադարձնել:
Նշենք, որ Հովիկ Աբրահամյանը Արտաշատի եկեղեցում ընտրության նախօրեին հավաք էր կազմակերպել, որին մասնակցել էին Արարատի մարզի շտաբների պատասխանատուները: Հովիկ Աբրահամյանը նրանց հանձնարարել էր, որ պատրաստ լինեն փող բաժանելու:
