armeniasputnik.am-ը գրում է. Համացանցում հայտնվել է ԱՄՆ նախկին նախագահ Բարաք Օբամայի լուսանկարը, որը կարող էր խաչ քաշել նրա ապագայի վրա։
Համացանցում հայտնվել է ԱՄՆ նախագահ Բարաք Օբամայի լուսանկարը, որի պատճառով նա կարող էր զրկվել քաղաքական կարիերայից ու նախագահական աթոռից, հայտնում է ՌԻԱ Նովոստին` հղում անելով North Star News Today–ին։
Լուսանկարում Սպիտակ տան նախկին ղեկավարը կանգնած է ծայրահեղական մուսուլմանների` «Իսլամի ազգը» կազմակերպության նախագահ Լուիս Ֆարախանի հետ, որին հաճախ մեղադրում էին ռասիզմի ու հրեատեցության մեջ։
Put another way, Obama met with Farrakhan at a Congressional Black Caucus meeting in 2005, and not a single person in attendance leaked that information until now. bit.ly/2ndgPsZ
Լուսանկարիչ Ասիկա Մուհամադը կադրը ֆիքսել է 2005թ.–ին՝ սևամորթների հարցերով կոնգրեսական հանձնաժողովի հանդիպման ժամանակ: Նշվում է, որ այդ ժամանակ Օբաման Իլինոիսը ներկայացնող սենատոր էր:
Մուհամադը լրատվամիջոցների հետ զրույցում բացատրել է, որ լուսանկարն անելուց հետո թաքցրել է այն ու գաղտնի պահել՝ մտավախություն ունենալով, որ լուսանկարը կվնասի Օբամայի քաղաքական կարիերային:
Մուհամադը խոստովանել է, որ լուսանկարը խնդրել են հրապարակել կոնգրեսում սևամորթների խմբակցության ներկայացուցիչները։
Լուիս Ֆարախանը ծայրահեղական հասարակական գործիչ է, որին բազմիցս մեղադրել են ռասիզմի ու հրեատեցության մեջ, նա սատարել է Օբամային։ Քաղաքական գործիչը միշտ փորձում էր հեռու մնալ այդ դաշնակցից։
