Երևանում ընթացող «Եվրասիական շաբաթ» միջազգային ցուցահանդեսային համաժողովին, որն արդեն երրորդ անգամ է անցկացվում, մասնակցում է 100-ից ավելի ընկերություն՝ Ռուսաստանից, Ղազախստանից, Ղրղզստանից, Բելառուսից և Հայաստանից:

Ղազախստանի «Աստանա Յուտարիա» կարի արտադրության ընկերության ներկայացուցիչ Դինարան «Արմենպրես»-ի հետ զրույցում նշեց, որ իրենք ամբողջ երկրով մատակարարում են իրենց արտադրանքը:

«Հիմնականում արտադրում ենք համազգեստներ, արդեն 3 տարի է, ինչ Ղազախստանի ամբողջ բանակն ապահովում ենք զինվորական համազգեստով: Մենք զարգացնում ենք նաև կանացի զգեստների բրենդային հատվածը: ԵԱՏՄ երկրներից՝ շատ ակտիվ արտահանում ենք Ռուսաստան և ծրագրեր ունենք նաև Հայաստան ու Բելառուս արտահանել: Բավականին մեծ շրջանառություն ունենք և կարող ենք մեզ թույլ տալ արտահանել տարբեր երկրներ»,- նշեց Դինարան:

«Sport motors racing» հետազոտական ընկերության տնօրեն Սարգիս Տեր-Գալստյանն ընդգծեց, որ իրենք մշակում են էկոլոգիապես մաքուր շփման նյութեր՝ հիմնականում մեքենաների արգելակման կոճղակների համար:

«Մենք մասնակցում ենք այս ցուցահանդեսին, քանի որ մտադրություն ունենք ներդրողներ գտնել, որպեսզի արգելակման կոճղակների համար Հայաստանում կարողանանք արտադրամաս բացել: Մենք լաբորատորիաներ ունենք, որտեղ մեր հետազոտություններն ենք իրականացնում, ինչպես նաև համագործակցում ենք Գիտությունների ազգային ակադեմիայի հետ: Ներդրողներ գտնելուց հետո գուցե սկսենք նաև արտահանել Ռուսաստան և Իրան»,- ասաց Սարգիս Տեր-Գալստյանը:

Բելառուսական «ДОР-МПЗ» ընկերության ներկայացուցիչ Իլյուխա Պավելը նշեց, որ իրենք զբաղվում են երկաթուղային կայանքների դետալների արտադրությամբ:

«Դեռևս ԵԱՏՄ ոչ մի երկիր չենք արտահանում մեր արտադրանքը, հենց դրա համար էլ մասնակցում ենք այս ցուցահանդեսին: Արտահանելու համար մեզ համար Ռուսաստանը և Ղազախստանն են հետաքրքիր երկրներ: Հնարավոր է, որ համագործակցություն լինի նաև  «Հարավկովկասյան երկաթուղու» հետ»,- շեշտեց  Պավելը:

Բելառուսական «Բելկարդ» կազմակերպության մարքեթինգի բաժնի ղեկավար  Անդրեյ Ակուլևիչն ընդգծեց, որ իրենք ներկայացնում են գործարան, որտեղ արտադրվում են ավտոմասեր «ԿամԱԶ»-ի, «ԳԱԶ» ավտոգործարանների համար, ինչպես նաև գյուղատնտեսական տեխնիկա արտադրողների համար:

«Այսօր հիմնական շուկան մեզ համար Ռուսաստանի Դաշնությունն է, բայց արտահանում ենք նաև Ղազախստան և Հայաստան»,- նշեց Անդրեյ Ակուլևիչը:

«Bazikyan’s» ընկերությունը ներկայացնող Վիգեն Բազիկյանը պատմեց, որ Գավառ քաղաքում զբաղվում են  հայկական  արիշտայի արտադրությամբ, որը գյուղական մակարոն է: «Այն հայկական խոհանոցի հիմնական սննդատեսակներից է եղելավաղվերջինշրջանում արիշտան մի քիչ մոռացվել էՓորձում ենք հիշեցնել դրա մասին»,- ասաց Բազիկյանը:

Նրա խոսքով` արտադրանքի հիմնական վաճառքն իրականացվում է Հայաստանում, բայց այն արտահանել են նաև Եվրոպա, ԱՄՆ: Ունեն գործընկերներ, որոնց հետ համագործակցության արդյունքում արիշտան արտահանում են նաև Ռուսաստան: «Այս ցուցադրությանընթացքում մեր արտադրանքի նկատմամբ հետաքրքրությունը բավականին մեծ էԱրդեն ձեռք ենք բերել որոշ պայմանավորվածություններ,մնում է իրագործել դրանք»,- շեշտեց Բազիկյանը:

«Modus Granum» ընկերության լոգիստիկ մենեջեր Հակոբ Փայտյանի խոսքով` իրենց ձեռնարկության մաս է կազմում հինգ գործարան, որոնք զբաղվում են ալյուրի, կենդանիների համար նախատեսված կերերի արտադրությամբ, պեռլիտի և բնական քարերի վերամշակմամբ:

Փայտյանը նշեց, որ հատուկ ԵԱՏՄ երկրներ արտահանելու նպատակով արտադրում են շան, այլ ընտանի կենդանիների կերեր:

«Արտահանում ենք ձկան կերերքանի որ մեր արտադրանքը ոչ մի բանով չի զիջում դրսինին և մատչելի է»,- ընդգծեց նա:

«Galanteya» բելառուսական ընկերությունը ներկայացնող Ալեքսեյ Պանտելեևն ասաց, որ իրենք զբաղվում են կաշվե իրերի արտադրությամբ: «Հիմնականում մասնագիտացված ցուցահանդեսների ենք մասնակցումԱռաջին անգամ ենքՀայաստանում, և պետք է խոստովանեմոր պոտենցիալ գնորդների քանակն այստեղ շատ քիչ է»,- շեշտեց Պանտելեևը:

«Urbenn» ընկերության  ներկայացուցիչ Յուլիան ասաց, որ «URBENN»-ը ԵԱՏՄ երկրների առևտրային հարթակ է: «Մենք միավորում ենք արտադրողներինմատակարարներինգնորդներին  մեկ ինտերնետ հարթակումորն աշխատում է ԵԱՏՄ հինգերկրների համարՄեր նախագիծը  մեկնարկը կտրվի հաջորդ տարվա ապրիլինայժմ ամեն բան դեռ մշակման փուլում է գտնվումև սա առաջին ֆորումն էորտեղ մենք ներկայացնում ենք մեր նախագիծը և հույս ունենք ստանալաջակցություն»,- եզրափակեց  Յուլիան: