ՀՀ ազգային ժողովի տարածաշրջանային և եվրասիական ինտեգրման հարցերի մշտական հանձնաժողովը նախագահի տեղակալ ընտրեց «Իմ քայլը» խմբակցության պատգամավոր Արմեն Փամբուխչյանին: Նա հանձնաժողովի առաջին նիստում քվեարկությամբ ընտրվեց միաձայն:
«Ես կարծում եմ, որ այս նորաստեղծ հանձնաժողովում մեր անելիքները բազմազան են: Լծվելու ենք օրենսդիր աշխատանքին»,-նշեց Փամբուխչյանը:
Հանձնաժողովի նախագահ, «Բարգավաճ Հայաստան» խմբակցության պատգամավոր Միքայել Մելքումյանը գործադիրում Փամբուխչյանի նախկին գործունեությունը գնահատեց դրական: «Մենք միասին ունենք լուրջ ծրագրեր»,-նշեց նա:
Ազգային ժողովի տարածաշրջանային և եվրասիական ինտեգրման հարցերի հանձնաժողովը բաղկացած է տասնմեկ անդամից: Սակայն դեռ կա մեկ թափուր տեղ:
