Բնության համաշխարհային հիմնադրամի հայաստանյան մասնաճյուղն առաջարկում է նորածնի անունը միասին որոշել։
«Դիլիջան» ազգային պարկի «Ազնվացեղ եղջերուների բազմացման կենտրոնում» օրեր առաջ ծնվել է երկրորդ ձագը։ Այս մասին տեղեկանում ենք Բնության համաշխարհային հիմնադրամի (WWF) հայաստանյան մասնաճյուղի Facebook սոցիալական կայքի պաշտոնական էջից։
«Աղջիկ ենք ունեցել։ Նա առողջ է ու ժիր»,–հայտնում են Բնության համաշխարհային հիմնադրամի հայաստանյան մասնաճյուղից։
Ի դեպ, նորածին եղջերուի եղբոր անունը Դիլի է, իսկ թե ինչ անուն կստանա նորածինը, Բնության համաշխարհային հիմնադրամի հայաստանյան մասնաճյուղն առաջարկում է միասին որոշել։
Տեսանյութը՝ այստեղ:
