Լևոն Քոչարյանը Հայաստանի ուժային եռամարտի ֆեդերացիայի նախագահն է, ՀՀ երկրորդ նախագահի որդին ու հայտնի երգչուհի Սիրուշոյի ամուսինը։ Նա զբաղվում է Հայաստանում այդ սպորտաձևի զարգացմամբ։

Հայաստանի ուժային եռամարտի ֆեդերացիայի նախագահ Լևոն Քոչարյանն Արսեն Հայթյանի հեղինակային «ԲառCode» հաղորդաշարի շրջանակում պատմել է այս սպորտաձևում գրանցված հաջողությունների, Դեն Բիլզերյանի հետ ծանոթության և իր ու Սիրուշոյի ընտանեկան կյանքի մասին։ Խոստովանում է, որ հայտնի արտիստի հետ ամուսնությունն այնքան վատ չի, որքան կարող է թվալ։

«Հաճախ համատեղում ենք ընտանեկան կյանքն, աշխատանքն ու հանգիստը։ Սիրուշոյի համար առաջին տեղում ընտանիքն է, երեխաները։ Ես հպարտանում եմ իր գործունեությամբ ու լավ եմ ինձ զգում», – նշեց նա։

Լևոնը նաև պատմեց Դեն Բիլզերյանի հետ ծանոթության մանրամասներն ու ներկայացրեց վերջինիս` Արցախից ստացած տպավորությունները։ 

Աղբյուրը՝ armeniasputnik.am