Քննչական կոմիտեում այսօր հանդիսավոր կերպով նշվել է Քննչական կոմիտեի ծառայողի օրը և Քննչական կոմիտեի հիմնադրման 5-րդ տարեդարձը։ Միջոցառմանը ներկա էր նաև վարչապետ Նիկոլ Փաշինյանը:

Այս առիթով Քննչական կոմիտեի նախագահ Հայկ Գրիգորյանը շնորհավորել է Քննչական կոմիտեի ծառայողներին՝ մասնագիտական տոնի կապակցությամբ և նշել. «Մենք հպարտանալու ենք այն քննիչներով, ովքեր համարժեք են ընկալում այս իրողությունները, որոնց համար պետությանը և օրենքին անմնացորդ ծառայելը, գործին նվիրվածությունը և պետական մտածողությունը սոսկ խոսքեր չեն, այլ` ամենօրյա աշխատանքի ուղենիշներ»: