ՌԴ Արխանգելսկի մարզի Կորյաժմա քաղաքի բնակչուհին խոստովանել է, որ սպանել է ամուսնուն: Պատճառը սեղանի շուրջ արված նկատողությունն է եղել, հաղորդում է Իզվեստիա պարբերականը:
Սպանությունը կատարվել է փետրվարի 2-ի երեկոյան: Կնոջ խոսքով՝ իրենք հյուրեր են ունեցել եւ սպիրտային խմիչքներ են օգտագործել: Ամուսինը նրան կոպիտ նկատողություն է արել՝ ասելով, որ իր կինը սխալ ուտելիք է պատրաստել: Վիճաբանություն է սկսվել, եւ տղամարդը հարվածել է կնոջ դեմքին: Ի պատասխան՝ կինը վերցրել է դանակն ու հարվածել նրա կրծքավանդակին: Հյուրերը շտապօգնություն են կանչել, սակայն տղամարդն արդեն մահացած է եղել:
Քննիչները միջնորդում են կասկածյալի ձերբակալության համար:
