Աֆրիկյան հարսանեկան ավանդույթները տարբերվում են իրարից՝ կախված այն բանից, թե որ ցեղում է միջողառումն իրականացվում: Յուրաքանչյուր ցեղ ունի իր յուրահատուկ ավանդույթներն ու սովորույթները:
Կարո ցեղում հետաքրքրական սովորույթ կա: Երբ ավարտվում է ամառը և միաժամանակ սկսվում է բերքահավաքի շրջանը, ցեղի անդամները, կրելով վառ գունավոր զարդեր, սկսում են միասին պարել: Տղամարդիկ շարժում են կոնքերը՝ այդպես փորձելով դուր գալ կանանց:
Իսկ ահա քենիական սուախիլի ցեղում նման երևույթները տեղ չունեն: Կանայք ապրում են սոցիալական սեգրեգացիայի պայմաններում և գործում են իսլամական կանոններին համապատասխան:
Ապագա ամուսնու ընտրությունը կատարում են ծնողները: Պատրաստվելով հարսանիքին՝ հարսը նախաամուսնական գործընթացնեերի միջով է անցնում և ստանում գիտելիքներ, որոնք նրան անհրաժեշտ են լինելու ընտանեկան կյանքում: Սոմո կոչվող կանայք ուսուցանում են աղջիկներին ինչպես երջանկացնել տղամարդկանց:
Ինչ վերաբերում է բուն հարսանեկան արարողությանը, ապա դրա ժամանակ փեսան առաջին անգամ է տեսնում իր ապագա կնոջ դեմքը: Արարողության ժամանակ ներկա են լինում միայն արական սեռի ներկայացուցիչներ:
Նդեբելե ցեղ
Նդեբելե ցեղում ամուսնության հետ կապված բոլոր հարցերը սկսվում են առուվաճառքից: Փեսացուն պետք է որոշակի գումար վճարի հարսնացուի համար: Երբ ավարտվում են դրա վերաբերյալ բանակցությունները, ապագա հարսնացուին փեսացուի տուն են տանում երկու շաբաթով՝ նրան սովորեցնելու լավ կին լինել: Ամուսնությունը համարվում է կայացած այն ժամանակ, երբ լույս աշխարհ է գալիս զույգի որդին:
Երազանքների հարսանիքն Աֆրիկայում
Աֆրիկան հակասությունների մայրցամաք է, որը հնարավորություն է տալիս կազմակերպելու երիտասարդների կյանքի կարևորագույն օրը: Մի բան վստահաբար կարելի է պնդել. այնտեղ եղանակն արևային է, և անգամ ձմռանը հնարավոր է հարսանիք կազմակերպել բաց երկնքի տակ:
Աֆրիկյան բնապատկերների ֆոնին հարսանիք կազմակերպելն այդքան էլ մատչելի ու հեշտ չի լինի, սակայն շատերը ցանկանում են իրենց կյանքի կարևորագույն օրը հենց այնտեղ անցկացնել:
