Այս տարի կորոնավիրուսային համաճարակի պատճառով հետաձգվել են Հայրենական մեծ պատերազմում Հաղթանակի 75-ամյակին նվիրված բոլոր տոնական միջոցառումները: Ինչպես ապրիլի 28-ին ասել էր Վլադիմիր Պուտինը, երբ քաղաքացիների, առաջին հերթին՝ վետերանների առողջությանը սպառնացող վտանգը անհետանա, Կարմիր հրապարակում կանցկացվեն և՛ զորահանդես, և՛ Անմահ գնդի երթ: Իսկ այսօր ՌԴ նախագահը ժամանել է Ալեքսանդրյան պարտեզ և ծաղիկներ դրել Հավերժական կրակի մոտ: Այսօր Մոսկվայում և Ռուսաստանի այլ քաղաքներում անցկացվել է նաև օդային շքերթ: «Անմահ գնդի» երթը տեղի է ունենում վիրտուալ ռեժիմով: Ռուսաստանի ժամանակով ժամը 22: 00-ին երկրի շատ քաղաքներում տոնական հրավառություն կլինի: