Իրանական Չեբեհար նավահանգստային քաղաքում այսօր հրաժեշտ են տվել այն 19 զինվորական նավաստիներին, ովքեր զոհվել են Օմանի նեղուցում ռազմածովային ուսումնավարժանքների ժամանակ:
Ավելի վաղ հայտնել էինք, որ մայիսի 10-ին Jamaran ռազմանավից արձակված հրթիռն ընկել է հրթիռային մեծ հածանավի վրա: 19 զինծառայող զոհվել է, 15-ը՝ վիրավորվել:
Այսօր Իրանի զինված ուժերի հետ կապ ունեցող աղբյուրները հայտնել են, որ միջադեպի պատճառը տեխնիկական անսարքությունն է եղել: Հրթիռը խոցել է հածանավն ուղեցույցային համակարգերի խափանման պատճառով:
Konarak-ն ապահովելիս է եղել թիրախների նախանշումը հրթիռակոծությունների ժամանակ: Ըստ ամենայնի՝ այն չի հասցրել բավականաչափ հեռանալ իր նշանակած թիրախից, երբ Jamaran-ից արձակվել է հականավային հրթիռը: Արդյունքում հրթիռի ակտիվ ռադիոտեղորոշիչ գլխիկի ինքնակառավարման համակարգն ուղղվել է Кonarak-ի վրա՝ որպես առավել խոշոր ռադիոկոնստրակտային թիրախի ու խոցել այն:
