Վանաձորի՝ Հ. Թումանյանի անվան պետական համալսարանի դահլիճներից մեկի ներքևում սաունա կա։ Այս մասին այսօր հոգաբարձուների խորհրդի նիստում հայտարարեց համալսարանի նորընտիր ռեկտոր Ռուստամ Սահակյանը։
«Ես կարող է լավ չզգամ նույնիսկ ինձ։ Ես մեկ ամսում փորձել եմ տարածքին ծանոթանալ, նկուղներին, տանիքներին։ Ես չգիտեմ, դուք տեղյակ եք, թե չէ, այն սրահում, որտեղ անկացանում ենք նիստը, մեր ներքևի հարկում կա սաունա»,-ասաց նա։
«Բնական է, ես չեմ պատրաստվում սաունայից օգտվել, դա ինձ համար անընդունելի է։ Ես չգիտեմ՝ ում համար է եղել, հարցը շատ խնդրահարույց է»,-հայտարարեց ռեկտորը և բոլորին հրավիրեց սաունա՝ այն տեսնելու։
