Արտաքին գործերի նախարարությունում կորոնավիրուսի դեպք է գրանցվել: Տեղեկատվությունը ԼՈՒՐԵՐ.com-ի հետ զրույցում հաստատեց ԱԳՆ մամուլի խոսնակ Աննա Նաղդալյանը:

«Երեկ, ուշ երեկոյան հայտնի դարձավ, որ ԱԳՆ-ում իրականացված նմուշառումների արդյունքներով հաստատվել է կորոնավիրուսով վարակման մեկ դեպք: Մնացած շուրջ երեք տասնյակ նմուշառումները տվել են բացասական պատասխան»,-նշեց նա:

Թե ո՞վ է վարակակիրը Նաղդալյանը չհայտնեց:

Հիշեցնենք, որ, ավելի վաղ, մամուլում տեղեկատվություն էր հայտնվել, որ վարակակիրը ԱԳՆ փոխնախարարներից մեկն է: