Չեչնիայի ղեկավար Ռամզան Կադիրովը հարսնացուներ գնելու համար գումար է հատկացրել կարանտինի հետևանքով գումար չունեցող 207 փեսացուի, որպեսզի նրանք կարողանան հարսնացուներ գնել: Այդ նպատակների համար ծախսվելու է «Ախմատ-Հադի Քադիրով» հիմնադրամի միջոցները: Փեսայի ընտանիքը կստանա 50 հազար ռուբլի ամուսնության արարողության համար, ըստ մահմեդական կանոնների, որը նախատեսում է հարսնացուի` «ուրդուի» համար որոշակի գումարի վճարում։ Այս ծեսը ստեղծվել է հոգևորականների կողմից: Հետագայում այդ գումարը նվիրվում է հարսնացուին: Համաճարակի պատճառով հարսանեկան ավտոշարասյունը կարող է բաղկացած լինել միայն երկու ավտոմեքենայից, տոնակատարությունների մասնակիցների շրջանակը սահմանափակվելու է ամենամոտ հարազատներով: Չեչնիայում ապրիլի սկզբից ի վեր կորոնավիրուսի պատճառով հոգևորականներն արգելել են իսլամական կանոններով ամուսնությունը: Տասնյակ հարսանիքներ պետք է հետաձգվեին։ Մայիսի 25-ից հարսանեկան միջոցառումների արգելքը չեղյալ է հայտարարվել, սակայն հարսանիքների վերաբերյալ սահմանափակումները պահպանվում են․ հարսանեկան արարողության մասնակիցների թիվը սահմանափակ է:
