Մի քանի քաղաքացիներ «Իրազեկ քաղաքացիների միավորում» ՀԿ-ի ղեկավար, ՀԽ անդամ Դանիել Իոաննիսյանի գլխավորությամբ իրազեկման ակցիա են իրականացնում։ Նրանք քաղաքացիներին հորդորում են դիմակ կրել, առաջարկում են նոր դիմակներ և ավելին՝ եթե որևէ քաղաքացի չգիտի դիմակ կրելու ճիշտ ձևը՝ իրենք կսովորեցնեն։

Ակցիայի մասնակիցներից մեկը ԼՈւՐԵՐ.com-ի թղթակցի հետ զրույցում նշեց, որ իրենք կամավորության սկզբունքով են միացել Իոանիսյանին: «Նպատակն է մարդկանց իրազեկել, որպեսզի բոլորը գիտակցեն դիմակ կրելու կարևորության մասին»,- նշեց նա և շնորհակալություն հայտնեց հակահամաճարակային կանոնները պահպանող քաղաքացիներին: