Անգլիական Լիսթերշիրի Ուիթվիկ քաղաքից 76-ամյա Մարիա Ռիկոն, որը երկու դուստրերի հետ Covid-19-ով հիվանդանոցում էր, մահացավ նրանցից մեկի մոտ'ասելով, որ չի վախենում մահից: Նա հանեց թթվածնի դիմակը' նրանց հետ խոսելու համար, չնայած գիտեր, որ դա արագացնելու է իր մահը: Նրա դուստրը՝ Անաբել Շարման ասաց, որ ուրախ է, որ մայրը միայնակ չէ: «Հենց որ մենք նրա դիմակը հանենք, նրա կյանքը կավարտվի: Դուք շատ ժամանակ չունեք», - ասել էին նրան բժիշկները: Ռիկոն ասել էր, որ ինքը գիտի այդ մասին: Ինչպես պարզաբանեց Շարման, նրա մայրը մահացել է դիմակը հանելուց մոտ կես ժամ անց: «Նա մեզ ասաց, որ չի վախենում մեռնելուց, որ պատրաստ է: Եվ նա ասաց ինձ, որ պետք է շատ պայքարեմ, քանի որ տանը երեխաներ ունեմ», - ասաց 49-ամյա Շարման: «Մենք նրա ձեռքը բռնեցինք մինչև վերջին շունչը», - ավելացրեց նա: Անաբել Շարման համացանցում տեղադրել է իրենց վերջին լուսանկարը'վիրուսի վտանգի վրա պատշաճ ուշադրություն հրավիրելու համար: «Ես կցանկանայի խնդրել մարդկանց հետևել անվտանգության կանոններին և մտածել ուրիշների մասին», - ավելացրեց Անաբել Շարման: