Վաղը «ԱրտՄԵԴ» բժշկական կենտրոնում, որտեղ բուժվում են մեր 40 զինծառայողներ, կանցկացվի «Աշխարհը' նրանց աչքերով» միջոցառումը: Այս մասին հունվարի 27-ին լրագրողների հետ հանդիպմանն ասաց «Թովմասյան» բարեգործական հիմնադրամի հիմնադիր Արտակ Թովմասյանը:

Նա պարզաբանեց, որ միջոցառմանը մասնակցելու են նկարիչներ եւ արվեստագետներ, ովքեր 40 աշխատանք կստեղծեն: Թովմասյանը հավելեց, որ երկրորդ փուլում բարեգործական ընթրիք կամ աճուրդ կկազմակերպվի: «Միջոցառման շրջանակներում հավաքված ամբողջ հասույթը կուղղվի վիրավոր զինծառայողների բուժմանը»,- շեշտեց նա: