«Հայաստան» խմբակցության պատգամավոր Արթուր Ղազինյանն իր ֆեյսբուքյան էջում գրել է.
«Նիկոլ Փաշինյանի էսկորտի կողմից կատարված ողբերգական վրաերթի ամբողջական պատկերը հասկանալու համար պետք է պատասխանել մեկ հարցի.
Կկանգնե՞ր ոստիկանության մայորը վրաերթից հետո, եթե ուղեկցելիս չլիներ Նիկոլ Փաշինյանին:
Միանշանակ այո՜, կկանգներ, կիջներ, օգնություն ցույց կտար, արագ կհասցներ 300 մետր հեռավորության վրա գտնվող հիվանդանոց:
Կփրկվե՞ր Սոնան, չգիտեմ, բայց մայորը չէր կորցնի իր մարդկային դեմքն ու խղճին չէր վերցնի երկու անմեղ մարդուն վրաերթի ենթարկելու ու դեպքի վայրից փախուստի դիմելու ծանրագույն բեռը:
Հիմա ո՞վ է ավելի մեղավոր, մեքենային ղեկին գտնվող մայո՞րը, թե Նիկոլ Փաշինյանը»:
