«Տարածաշրջանում հաղորդակցման ուղիների բացումը նոր հնարավորություններ կստեղծի Հարավային Կովկասի տնտեսական զարգացման համար»:

Այս մասին Վլադիվոստոկում ընթացող Արևելյան տնտեսական համաժողովում ասել է ՀՀ վարչապետ Նիկոլ Փաշինյանը:

Նրա խոսքով, Ադրբեջանը տրանսպորտային երթուղիներ կստանա Հայաստանի տարածքով, իսկ Հայաստանը՝ Ադրբեջանի տարածքով, և դա նշանակում է միջազգային առեւտրային ուղիների համար նոր հնարավորություններ:

«Այս գլոբալ ծրագրի իրականացումը շատ կարևոր է տարածաշրջանի պետությունների, ինչպես նաև Իրանի, Թուրքիայի, Ռուսաստանի և Հեռավոր Արեւելքի երկրների համար»,-ընդգծել է Փաշինյանը: