Ամերիկացի դերասան Էրլ Բոենը, ով հեռուստադիտողին առավել հայտնի է «Տերմինատոր»-ի առաջին երեք մասերում բժիշկ Փիթեր Սիլբերմանի դերով, մահացել է 81 տարեկան հասակում։ Այս մասին հայտնում է TMZ հրատարակությունը՝ վկայակոչելով հոլիվուդյան արտիստի հարազատներին։

Նրա ընտանիքի անդամը TMZ-ին ասել է, որ դերասանը մահացել է հինգշաբթի օրը` Հավայան կղզիներում, սակայն չի հայտնել նրա մահվան պատճառը։

Էրլը նկարահանվել է նաև Battle Beyond the Stars, Brains Sideways, Alien Nation, Naked Gun 33 1/3: The Final Thrust և մի շարք այլ նախագծերում։

Դերասանի մահվան ստույգ պատճառը դեռ չի հաղորդվում։