Վերջերս Հոլոման ռազմաօդային բազայում հնագիտական վայր է հայտնաբերվել, որը կարող է լույս սփռել Նյու Մեքսիկոյի հնագույն պատմության վրա: Դրա մասին հայտնել է Air Force Times-ը:

Ըստ բազայի պաշտոնյաների՝ մարտի սկզբին երկրամակերևութաբանները և շրջակա միջավայրի պահպանության 49-րդ քաղաքացիական ինժեներական ջոկատի անդամները հայտնաբերել են մոտ 8200 տարեկան ճամբար, որը պատկանել է նահանգի ամենաառաջին տեղաբնիկներին:

Ջոկատի մշակութային ռեսուրսների մենեջեր Մեթյու Կուբան պատմել է, որ սպիտակ ավազաթմբերի գոյացումը պատահաբար թաղել է տեղանքը, իսկ քամու բերած տիղմը պաշտպանել է հնագույն ավերակները:

Կուբան նշել է, որ պեղումների ընթացքում հայտնաբերվել է մոտ 70 առարկա, ներառյալ՝ սրբատաշ քարի հազվագյուտ նմուշներ։

«Մենք նաև հայտնաբերեցինք մի շարք օջախներ կամ համայնքային կեցավայրեր՝ ածխացած ծառերի մնացորդներով, ինչն ինքնին հսկայական գտածո է», - ընդգծել է նա:

Մեթյու Կուբան նշել է, որ վայրը 1942 թվականին կառուցված Հոլլոմանի մատույցներում հայտնաբերված 400 հնագիտական գտածոներից մեկն է։