«Սասունցի Դավիթ» կայարանի հարակից շուկայում անօրինականություններ են տեղի ունենում: Այս մասին Politik.am-ի խմբագրությանը տեղեկացրին շուկայում իրենց բերքը իրացնող գյուղացիները: Պարզվում է՝ շուկայի և նրա հարակից տարածքներում կանգնելու համար գյուղացիներից գումար են պահանջում, սակայն դրա դիմաց կտրոն չեն տալիս:
«Աղջիկ ջան առավոտ 7-ին գալիս ենք ստեղ, որ միրգը, բանջարեղենը ծախենք:Մեզ ա մոտենում էն հաստ գլխով տղան ու գումար ապահանջում: Գոռալով, զոռով 500 դրամ գումար են պոկում, իսկ երբ ժամը 9-ն ա գալիս ստիպում են գնանք շուկա ու էս անգամ վճարեն շուկայի համար»,-ասաց մեզ հետ զրույցում գյուղացիներից մեկը: Գյուղացիները վախվորած էին և չէին ցանկանում անուն կամ գյուղ ասել: Նրանք համոզված են, որ դրանից հետո իրենց չեն թողնի ընդհանրապես շուկա մտնել:
«Դե թող մեկը խոսա: Ոչ մեկ էլ չի կարում խոսա: Միլիցեքն էլ են իրանց հետ, մի քանի լակոտ լուկուտ էլ կան: Մի օր մի ջահել տղու էն օրը գցեցին, որ էտ տղեն, կարծեմ անունը Կարեն ա, հրապարակային հայտարարումա, որ ինչ ուզում եք արեք մեկա բան չի լինի: Ստեղի տերը մենք ենք»,-ասաց մեկ այլ գյուղացի, որը հեռվից տեսնելով «կայարանի հերոսին» ներողություն խնդրեց և հեռացավ: Մեր իրականացրաց նկարահանումներում պարզ երևում է, որ մարդկանցից գումար են հավաքում: Իսկ թե ուր են գնում այդ գումարները ոչ ոքի հայտնի չի: Այս մարդիկ գյուղացիներին ստիպում են խատել օրենքը, քանի որ հայտնի է, որ մայրաքաղաքում արգելվում է փողոցային առևտուրը, իսկ նրանք փողոցային առևտրով լավ գումարներ են աշխատում: Տեսանյութը դիտելիս ամեն ինչ հասկանալի կլինի: Այս տեսանյութում կատարվողի կապակցությամբ հրավիրում ենք քաղաքային իշխանությունների և ոստիկանության ուշադրությունը: Պետք է պարզել, թե գյուղացիներից ինչ գումարներ են հավաքում և ինչ նպատակով: