Lragir.am-ի տեղեկություններով, Արարատի քաղաքապետ Աբրահամ Բաբայանը լուրջ խնդիրների է բախվել: Նա վերջերս է վերադարձել Ֆրանսիայից, որտեղ բնակվում է նրա որդին: Արարատում խոսում են, որ Փարիզ մեկնելու նպատակը եղել է այն, որպեսզի փող բերի ՀՀԿ-ի տված գումարները «փակվելու» համար, որոնք պետք է ծախսվեին 2012 թ. ԱԺ ընտրություններին որպես ընտրակաշառք: ՀՀԿ-ում այն կարծիքին են, որ Բաբայանն այդ գումարը չի բաժանել, եւ հետ են պահանջել ու ժամկետ դրել: Հիշեցնենք, որ մարզում ՀՀԿ-ն պարտվել էր ԲՀԿ-ին: Խոսքը, ըստ տարբեր տեղեկությունների, մի քանի հարյուր հազար դոլարի մասին է: Արարատում դրանով են բացատրում տարբեր օբյեկտների վաճառքը եւ որդու մոտ մեկնելը: Սակայն, Փարիզից Արարատի քաղաքապետն, ըստ տեղեկությունների, վերադարձել է ձեռնունայն: Նրան կարծես թե չի օգնել նաեւ նրա մտերիմը՝ նախկին ոստիկանապետ եւ ներկայում Սերժ Սարգսյանի խորհրդական Ալիկ Սարգսյանը:
