Թուրքիայի կառավարությունը որոշում է կայացրել փոխհատուցում վճարել երկրում բռնկված ցույցերի ընթացքում ոստիկանության գործողություններից տուժածներին. գրում է sabah պարբերականը:

Այսպես' փոխհատուցում կստանան այն տուժածները, ովքեր մասնակցել են բողոքի խաղաղ ցույցերին և հեռու են մնացել ոստիկանների վրա ցուցարարների կազմակերպած հարձակումներից:

Արդեն որոշվել է 100 մարդու անուն, որոնց կվճարվի փոխհատուցում: Գումարի չափը դեռևս չի հստակեցվել:

Գումարային փոխհատուցում կստանան նաև խանութների և ռեստորանների տնօրենները, որոնց վնաս է հասցվել ցույցերի ընթացքում: