ԳԱԼԱ-ն տեղեկացնում է, որ 2007 թվականից սկսած գյուղատնտեսությունը Արցախի Հանրապետությունում հռչակվել է տնտեսության զարգացման ռազմավարական ուղղություն: Ոլորտի զարգացման ուղղությամբ մի շարք ծրագրեր են կյանքի կոչվել, որի արդյունքում, ըստ Արցախի գյուղատնտեսության նախարարի, 2012-ին տնտեսության ոլորտում արձանագրված 9.9 տոկոս աճի 3 տոկոսը բաժին է ընկնում գյուղատնտեսությանը: Տարբեր շրջաններում իրականացվում են բուսաբուծության եւ անասնաբուծության զարգացման ծրագրեր: Սակայն աղքատության հաղթահարման ուղղությամբ դեռ լուրջ աշխատանքներ են հարկավոր իրականացնել ինչպես հեռավոր, այնպես էլ մայրաքաղաք Ստեփանակերտին կից համայնքներում: