Երեկ Շիրակի մարզի ընդհանուր իրավասության դատարանում Գյումրիի նախկին քաղաքապետ Վարդան Ղուկասյանի փեսայի Կարեն Եսայանի սպանության գործով ընթացող դատական նիստից հետո ամբաստանյալ Հարություն Սարգսյանի հայրը' Անիի նախկին ոստիկանապետ Սամվել Սարգսյանը, Գյումրիի բժշկական կենտրոնի կարդիովերակենդանացման բաժին է տեղափոխվել նախաինֆարկտային վիճակով: «Փաստինֆո»-ի թղթակցի հետ զրույցում կարդիոլոգիայի բաժնի վարիչ Սուսաննա Հակոբյանը վստահեցրեց, որ Սամվել Սարգսյանի վիճակը կայուն է և որ սրտի կաթված չի ստացել։ Կարդիոլոգիայի բաժնի վարիչի փոխանցմամբ՝ Ս.Սարգսյանը վաղը կտեղափոխվի պալատ և ճնշման տատանումների կանոնավորմամբ պայմանավորված' չի բացառվում, որ այս շաբաթվա ընթացքում դուրս գրվի հիվանդանոցից: Ըստ մեր ունեցած տեղեկությունների, նրա վրա եղել է նաեւ ոտքի հետք, ուստիեւ' հիվանդանոցից ահազանգել են նաեւ ոստիկանություն։ Ինչպես ավելի վաղ տեղեկացրել ենք, ստացված ահազանգի հիման վրա ոստիկանությունում նախապատրաստվում են նյութեր։ Իսկ «Ժամանակ» օրաթերթին տված հարցազրույցում Շիրակի մարզի ոստիկանապետ Բաբակեխյանը նշել էր. Ինքը հայտարարել է հիվանդանոց մտնելիս, որ իրեն ծեծի են ենթարկել»:
