Այսօր՝ սեպտեմբերի 27-ին, շղթայական ավտովթար է տեղի ունեցել Երևանում: Ժամը 1 7:00-ի սահմաններում, Իսակովի պողոտայում Ճանապարհային ոստիկանության վարչական շենքի հարևանությամբ բախվել են 57-ամյա Սուրեն Սահակյանի վարած « Lexus» մակնիշի 15 ԼԼ 777 , 48-ամյա Ժիրայր Խաչատրյանի «BMW» մակնիշի 29 ՕԼ 193, 38-ամյա Էդգար Շաբոյանի «Mazda» մակնիշի 34 ՏT 463, և 32-ամյա Արտավազդ Օհանջանյանի վարած «Opel» մակնիշի 32 ՏԼ 063 համարանիշի ավտոմեքենաները:

Ինչպես հայտնում է shamshyan.com-ը, վթարի հետևանքով բարեբախտաբար զոհեր և վրավորներ չկան: Վթարի վայր են ժամանել ճանապարհային ոստիկանության 1-ին սպայական գումարտակի 3-րդ դասակի աշխատակիցները՝ դասակի հրամանատար Վահան Էվինյանի գլխավորությամբ: Կարճ Ժամանակում վթարի վայր են ժամանել նաև ապահովագրական ընկերությունների ներկայացուցիչները: Փաստի առթիվ ՃՈ հետաքննչական բաժնի հետաքննիչ Գևորգ Պողոսյանի կողմից նյութեր են նախապատրաստվում: