Ազգային ժողովը երեկ քննարկման դրեց Վերահսկիչ պալատի նախագահի նշանակման հարցը:
Հիշեցնենք, որ Սերժ Սարգսյանը ՎՊ նախագահի պաշտոնում առաջադրել է Իշխան Զաքարյանի թեկնածությունը:
Այս պահին արդեն մեկնարկել է ՎՊ նախագահի ընտրությունը, որը կտևի ժամը 12:15-13:00-ը։
Ինչպես ավելի վաղ հայտնել էինք, երեկ ԱԺ ՀԱԿ խմբակցության ղեկավար Լևոն Զուրաբյանը հայտարարել էր, որ ՀԱԿ-ը չի մասնակցի քվեարկությանը, «որպեսզի ՀՀԿ-ական կեղծարարներն ընդդիմության դեմ կեղտոտ խաղ չխաղան»: Սակայն, ինչպես հայտնում է Լուրեր.com-ի լրագրողը, Հրանտ Բագրատյանը ներկայացել է ԱԺ` քվեարկության։
Լրագրողների հետ զրույցում Բագրատյանը, անդրադառնալով իր ներկայանալուն քվեարկությանը, ասել է. «Այս պահին ի՞նչ կապ ունի ՀԱԿ-ն ինձ հետ: Ես որոշել եմ քվեարկել»:
